മസ്ജിദുന്നബവി വികസനത്തിന് പണ്ഡിതരുടെ പ്രശംസ
മദീന: മസ്ജിദുന്നബവി വികസന പദ്ധതിക്ക് അനുമതി നല്കിയതിനെ വിവിധ പണ്ഡിതന്മാരും ഇമാമുകളും പ്രകീര്ത്തിച്ചു. ഇക്കഴിഞ്ഞ ദിവസമാണ് സൗദി ഭരണാധികാരി അബ്ദുല്ല രാജാവ് മസ്ജിദുന്നബവിയുടെ ഏറ്റവും വലിയ വികസനത്തിന് അനുമതി നല്കി പദ്ധതിയില് ഒപ്പുവെച്ചത്. ഹജ്ജ് ഉംറ തീര്ഥാടകര്ക്ക് ആശ്വാസം നല്കാന് അബ്ദുല്ല രാജാവ് കാണിക്കുന്ന അതീവ താല്പര്യമാണ് ഇത് വ്യക്തമാക്കുന്നതെന്ന് പണ്ഡിതന്മാരും ഇമാമുകളും അഭിപ്രായപ്പെട്ടു.
പദ്ധതി മൂന്ന് ഘട്ടങ്ങളിലായാണ് നടപ്പിലാക്കുകയെന്നും ആദ്യഘട്ടം പൂര്ത്തിയാകുമ്പോഴേക്കും എട്ട് ലക്ഷം പേരെ നമസ്കാരത്തിന് ഉള്ക്കൊള്ളാന് കഴിയുമെന്നും മസ്ജിദുന്നബവി കാര്യ ഉപമേധാവി ശൈഖ് അബ്ദുല് അസീസ് അല്ഫാലിഹ് പറഞ്ഞു. കിഴക്ക്, പടിഞ്ഞാറ് ഭാഗത്തെ മുറ്റങ്ങളില് രണ്ടും മൂന്നുംഘട്ടങ്ങള് പൂര്ത്തിയാകുന്നതോടെ എട്ട് ലക്ഷം പേരെ കൂടിയും ഉള്ക്കൊള്ളാനാകും. എന്നൊന്നും നിലനില്ക്കുന്ന മഹത്തായ കര്മമാകും ഹറമിന്െറ വികസനമെന്നും അദ്ദേഹം പറഞ്ഞു.മസ്ജിദുന്നബവി വികസനം മദീനയിലെത്തുന്ന ഹജ്ജ് ഉംറ തീര്ഥാടകര്ക്കും നമസ്കരിക്കാനെത്തുന്നവര്ക്ക് വലിയ ആശ്വാസം പകരുന്ന പദ്ധതിയാണെന്ന് മസ്ജിദുന്നബവി ഖത്തീബ് ശൈഖ് അലി ബിന് അബ്ദുറഹ്മാന് ഹുദൈഫി പറഞ്ഞു.
No comments:
Post a Comment