കാന്തപുരം ഹെലികോപ്റ്റര് വാങ്ങുന്നെന്ന് മംഗളം
കേരളത്തിലെ പ്രമുഖ ആത്മീയ നേതാവും സുന്നി പണ്ഡിതസഭ ദേശീയ ജനറല് സെക്രട്ടറിയുമായ കാന്തപുരം എ.പി.അബൂബക്കര് മുസ്ലിയാര് ഹെലികോപ്ടര് വാങ്ങുന്നുവെന്ന് മംഗളം ദിനപത്രം റിപ്പോര്ട്ട് ചെയ്യുന്നു. കേരളത്തിലങ്ങോളമിങ്ങോളം യാത്ര ചെയ്യുന്ന അദ്ദേഹത്തിന് വിശ്വാസികള്ക്കിടയിലേക്ക് വേഗം എത്തിപ്പെടുവാനായി അദ്ദേഹത്തിന്റെ പ്രബലരായ ഏതാനും പ്രവാസികള് അനുയായികള് ആണത്രേ അദ്ദേഹത്തെ ഇത് സഹായിക്കുന്നത്. ഇതോടെ കേരളത്തില് ഹെലികോപ്ടര് സ്വന്തമാക്കുന്ന ആദ്യത്തെ മതനേതാവെന്ന വിശേഷണവും കാന്തപുരത്തിന് സ്വന്തമാവുമെന്ന് മംഗളം പറയുന്നു. ചിട്ടയായ പ്രവര്ത്തനത്തിലൂടെ സുന്നി വിഭാഗത്തെ പ്രബലശക്തിയായി വളര്ത്തിയെടുത്ത കാന്തപുരം ഏറ്റവും കൂടുതല് ആരാധകരുളള മുസ്ലീം മതനേതാവാണ്. വിദേശത്തും മറ്റു സംസ്ഥാനങ്ങളിലുമായി പരന്നു കിടക്കുന്ന വിശ്വാസി സമൂഹത്തിലേക്ക് എത്തിപ്പെടാന് പലപ്പോഴും കാന്തപുരത്തിന് കഴിയുന്നില്ല എന്ന അവസ്ഥക്ക് ഒരു അറുതി വരുത്തുകയാണത്രേ ഹെലികോപ്ടര് വാങ്ങുന്നത് കൊണ്ടുള്ള ഉദ്ദേശം. അനാരോഗ്യത്തിനിടയിലും അത് വക വെക്കാതെ എവിടെയും ഓടിയെത്തുന്ന കാന്തപുരത്തിന് ഒരു സഹായമാകും ഈ നടപടി കൊണ്ടുണ്ടാവുക എന്ന് അനുയായികള് വിശ്വസിക്കുന്നു. അതെ സമയം വാര്ത്തയുടെ സോഴ്സ് മംഗളം വ്യക്തമാക്കുന്നില്ല. ഇതിനായുള്ള ചര്ച്ചകള് നടക്കുന്നതായും അതെ പത്രം തന്നെ പറയുന്നു. ഹെലികോപ്ടര് മുന്തിയ നിലവാരത്തില് ഉള്ളതായിരിക്കുമെന്നും അവരുടെ റിപ്പോര്ട്ടില് ഉണ്ട്. അതെ സമയം ഇദ്ദേഹത്തെ ഇതിനു സഹായിക്കുന്ന സമ്പന്നരായ അനുയായികള് ആരെന്നു വ്യക്തമ
