മലാലയുടെ ഓര്മകുറിപ്പ് മുപ്പത് ലക്ഷം ഡോളറിന് കരാറായി
പെണ്കുട്ടികളുടെ വിദ്യാഭ്യാസത്തിന് വേണ്ടി ശബ്ദമുയര്ത്തിയതിന്റെ പേരില് താലിബാന്റെ തോക്കിനിരയായ മലാല യൂസുഫ് സായി ഓര്മകുറിപ്പുകള് പ്രസിദ്ധീകരിക്കുന്നു. പുസ്തക പ്രസാദകരുമായി മുപ്പത് ലക്ഷം ഡോളറിനാണ് ഇതിനായി കരാറില് ഒപ്പിട്ടിരിക്കുന്നത്. ഞാന് മലാല എന്ന് പേരിട്ടിരിക്കുന്ന പുസ്തകം ഈ വര്ഷം അവസാനത്തോടെ പുറത്തിറങ്ങുമെന്നാണ് കരുതുന്നത്.
എനിക്ക് എന്റെ കഥ പറയണം. ആ കഥ പ്രാഥമിക വിദ്യാഭ്യാസം ലഭ്യമാകാത്ത 61 മില്യണ് കുട്ടികളുടെ കൂടി കഥയായിരിക്കുമെന്ന് മലാല പറഞ്ഞു. പാക്കിസ്ഥാനിലെ സ്വാതില് വെച്ച് 2012 ഒക്ടോബര് 9നാണ് മലാലയെ താലിബാന് വെടിവെച്ചത്. മരണത്തില് നിന്ന് രക്ഷപ്പെട്ട മലാലയും കുടുംബവും ബ്രിട്ടനിലെ ബെര്മിംഗ്ഹാമിലാണ് ഇപ്പോള് താമസിക്കുന്നത്.
No comments:
Post a Comment