കേരളത്തില് ആരംഭിച്ച കേന്ദ്ര സര്വകലാശാലകളിലും ഓഫ് ക്യാമ്പസുകളിലും മലയാളികള്ക്ക് സംവരണം ഏര്പ്പെടുത്തണമെന്ന് എസ് എസ് എഫ് നാല്പ്പതാം വാര്ഷിക സമ്മേളനം അംഗീകരിച്ച പ്രമേയത്തില് ആവശ്യപ്പെട്ടു. വിദ്യാഭ്യാസ മേഖലയിലെ പ്രശ്നങ്ങള് പഠിക്കാന് സര്ക്കാര് നിയമിക്കുന്ന കമ്മീഷനുകളിലും നയരൂപീകരണ സമിതികളിലും വിദ്യാര്ഥികള്ക്ക് അര്ഹമായ പങ്കാളിത്തം നല്കണമെന്നും പ്രമേയത്തില് ആവശ്യപ്പെട്ടു.രാജ്യത്തെ വിവിധ സര്വകലാശാലകളിലും ഗവേഷ ണ സ്ഥാപനങ്ങളിലും വിദ്യാര്ഥികളുടെ ആത്മഹത്യാ നിരക്ക് വര്ധിക്കുന്നത് ആശങ്കാജനകമാണ്. മാറിവരുന്ന സര്ക്കാറുകളും ഏജന്സികളും അക്കാഡമിക് രംഗത്ത് പിന്തുടര്ന്ന് വരുന്ന തെറ്റായ നടപടിക്രമങ്ങളും നയനിലപാടുകളും വിദ്യാര്ഥികളുടെ ജിവിതം കൂടുതല് ദുസ്സഹമാക്കുന്നുണ്ടെന്ന പരാതി ബന്ധപ്പെട്ടവര് ഗൗരവത്തോടെ കാണണമെന്നും സമ്മേളനം ആവശ്യപ്പെട്ടു.
No comments:
Post a Comment